Menjelang masa Paskah ini kami menurunkan model kebaktian Malam passion berbahasa batak Toba; dengan kerinduan acara ini adalah suatu model dan bisa dimodifikasi. Acara ini disusun oleh Pdt. Felin Only P. Marpaung yang melayani di GMI Berangir. setiap hari kami turunkan malam pertama s/d malam ke empat dan pada hari terakhir Acara Keb. Jumaat Agung. Selamat melayani.....semoga bisa jadi perbandingan bagi jemaat yang berbahasa Toba di Distrik 3 Wil. I.
Model Kebaktian Malam Passion Malam I
1. Marende : No. 136 : 1 + 5, “Marpungu do muse”
Marpungu do muse, Di joloMi Tuhan.
Mamuji hasangaponMi, Ala basabasaM.
Marende ma sude, Ala panghophopMi.
Ai haluaon i tahe, Paias tondingki, Amen.
2. Votum : Marhite-hite goar ni Debata Ama, dohot goar ni AnakNa Yesus
Kristus, dohot goar ni Tondi Parbadia, na tumompa langit dohot tano on dipasaorhon ma damena tu tondita be, amen.
3. Joujou : Ai hurajumi angka sitaonon di hasiangan on, hira na so adong do
martimbangkon hasangapon sipapataron tu hita sogot. Amen. (Roma 8:18)
4. Tabereng ma induk ni haporseaon i jala na paujungkonsa, i ma Jesus, na manaonhon parsilangon i, singkat ni las ni roha, tohapna i hian, so dietong i hailaon, gabe hundul di siamun ni habangsa ni Debata! Paingotingot hamu ma Ibana, na pataontaonhon paraloan sisongon i dompak Ibana sian angka sipardosa asa unang marnaloja hamu, unang mandate tondimuna! (Heb. 12 : 2 – 3)
5. Marende : No. 108 : 1 – 2, “Usehon Ma TondiM Tuhan”
Usehon ma TondiM Tuhan, Gorgor na songon api i.
Sai gohi holong ni rohaM, Di au marhite gogoMi.
Pasada rohanami on, Mamaritahon Yesus i.
Ojak di batu mamak do, HuriaMi O Tuhanki, Amen.
6. Alai diarahon ma na sampuludua i, ninna ma mandok nasida: Na nangkok ma hita tu Jerusalem jala tulus ma tu Anak ni jolma i sasudena, na tarsurat di angka panurirang i. Ai pasahaton ma Ibana tu angka parbegu, gabe insahanna, leaanna jala tijuranna ma Ibana. Linsinganna jala pusaonna do Ibana; dung i mulak mangolu ma Ibana di ari patoluhon. Ndang diantusi nasida agia otik sian i; na buni do hata i sian rohanasida, ndang diboto nasida na hinatahonna i. Amen. (Lukas 8 : 31 – 34)
7. Tangiang : Sian Ama
8. Marende : No. 174 : 1 + 3, “Aut so asi rohaM”
Aut so asi rohaM, Aut so godang basaM.
Tu dia au?
Alai dibaen basaM, dohot asi rohaM.
Tu surgo au.
Anggiat ma holong, rohangku sai tongtong.
Burju tu Ho.
Sai dongananMu au, Manang tu dia lao.
Tu banuaM, Amen.
9. Dung i dipansang angka sintua ni malim i dohot angka Parise ma rapot godang, didok nasida ma: Aha ma bahenonta? Ai lan do tanda dibahen Halak i! Molo itapasombu Ibana, porsea ma halak saluhutna di Ibana, gabe ro ma halak Rom maon mangarampas tanonta dohot bangsonta. Alai hehe ma sada sian nasida, i ma si Kayapas, sintua ni malim di na sataon i, didok ma tu nasida: Na hurang roha do hamu! Ndang dipingkiri rohamuna, dengganan do mate sada halak humongkop natorop i, unang laho mago sandok bangso i. Alai ndang sian rohana sandiri dihatahon i; ala sintua ni malim ibana di na sataon i, umbahen na disurirangkon, na naeng mate ma Jesus humongkop bangso i. Alai tahe, ndada holan laho mangkongkop bangso i; alai naeng papunguonna angka anak ni Debata, angka na marserak dope, laho pasadahonsa. Asa olat ni na sadari i martuptup i ma nasida laho mamusa Ibana. Alai didok nasida ma: Unang ma di pesta i, so tung guntur natorop i. Amen. (Yoh. 11 : 47 – 53; Mat. 26 : 5)
10. Tangiang : Sian Ina
11. Marende : No. 188 : 3, “Malungun Au Tuhan”
O Tuhan ro ma Ho, Urasi au.
Ai hataMi tongtong, Arga di au.
Reff : Tama sai hudapothon, Ho ale Tuhanku.
Sai pasupasu ma au, Na ro tu Ho, Amen.
12. Dung i onom ari nari asa dapot pesta Paska i, sahat ma Jesus tu huta Betania, na niinganan ni si Lasarus, na sinunggul ni Jesus sian na mate. Jadi dipauli nasida ma disi panganon ujuan di Ibana; si Marta do marhobasi, si Lasarus ma sada donganna mangan disi. Gabe dibuat si Maria ma sahat i miak Nardus na arga na so marsaor, dimiahi ma pat ni Jesus, obukna ma dibahen mangalapu. Jadi digohi uap ni miak i ma bagas i. Jadi sada sian angka siseanna, si Judas Iskariot na naeng manjehehon Ibana, mandok: Boasa so ginadis miak i arga tolu ratus hupang, bahen silehonlehon nian di angka na pogos? Alai ndada na pogos sinarihonna, umbahen na didok songon i; panangko do ibana tahe, diusung do asiasi ni halak, ai tu ibana dipasahat puro i. Ai tongtong do adong na pogos di tongatongamuna; jala asal ma olo hamu, tarpatongon hamu do na denggan tu nasida; alai anggo Ahu ndang manongtong di hamuna. Intap na tarbahensa do na niulana i; na manjoloani do ibana mamiahi pamatangku songon di na mananom. Situtu do hatangkon tu hamu: Manang didia di liat portibi on dijamitahon muse barita na uli on, hatahononna do nang binahenna i gabe baritana. Amen. (Yoh. 12 : 1 – 6; Mrk. 14 : 7 – 9)
13. Tangiang : Sian P3MI
14. Responsoria: Mazmur 90 : 1 - 12
15. Dung i torang ni arina i dibege halak natorop na ro tu pesta i, na naeng ro ma Jesus tu Jerusalem. Jadi dibuat nasida ma angka maremare, laho manomunomu Ibana huhut dijoujouhon: Hosianna! Pinanasupasu ma na ro marhite Goar ni Tuhan i, Raja ni Israel! Dung i dapot Jesus ma halode sada, i ma dihunduli, hombar tu na tarsurat: "Unang ho mabiar, boru Sion; ida ma, Rajam do na ro, marsihundul di anak ni halode!" Jala halak Parise i deba, na sian natorop i, mandok tu ibana: Orai ma antong angka siseanmi, Guru! Jala ninna ma mangalusi: Hudok ma di hamu: Aut mauhom nasida, joujou ma angka batu!. Amen . (Yoh. 12 : 12 – 15; Luk. 19 : 39 – 40)
16. Marende : No. 197 : 1, “Holong Ni Rohangki”
Holong ni rohangki, Naeng ma lam gok.
Di Yesus Tuhanki, Raja na hot.
Nang tangiangku pe, Naeng ma tongtong ondop.
Asa lam gok holong tu Ho, Amen.
17. Epistel : I Petrus 3 : 18 – 22..... “Martua ma naumbege hata ni Debata
huhut mangulahon dibagason roha na ias, Amen.
18. Alai dibongoti sibolis i do si Judas na margoar Iskariot, sahalak sian na sampuludua i. Gabe laho ibana martuptup dohot angka sintua ni malim raphon angka panungganei, manang dia dalanna pasahathon Ibana tu nasida. Jadi sian las ni rohanasida marpadan ma nasida, mangalehon hepeng tu ibana. Dioloi si Judas ma i, jadi dilului ma tingki na une pasahathon Ibana, so sian pamotoan ni natorop i. Amen. (Luk. 22 : 3 – 6)
19. Tangiang : Sian Parjabu
20. Marende : No. 200 : 1 – 3, “ Hubege do Tuhan” (Papungu Pelean)
Hubege do Tuhan, SoaraMi mandok.
Rohamu na gok dosa i, Naeng urasonku i.
Reff: I pe ro ma au, Ro tu joloMi
Ai gogo ni mudarMi, Paias rohangki.
Gale pe au tutu, Ro gogo sian Ho.
Sai sesa nasa dosangki, Sude na jat padao.
Reff: I pe ro ma au, Ro tu joloMi..................
Digokkon do hamu, Tu pangkirimon i.
Tu asi nang haporseaon, Na sun badia i.
Reff: I pe ro ma au, Ro tu joloMi..................
Ai dipasahat Ho, Tu au ulaonMi.
Asa lam ias rohangki, Nang haholongonki.
Reff: I pe ro ma au, Ro tu joloMi..................Amen.
21. Jamita :
22. Tangiang : Ale Amanami
23. Doxology : Tapuji Debata
24. Amen 3 x
Selamat Beribadah
Tuhan Memberkati Kita, Amen
N.B:
1. Untuk pembacaan dapat dipilih beberapa orang.
2. Kebaktian Malam Passion II (Besok Malam)
Tidak ada komentar:
Posting Komentar