Keterangan:
Acara Mengket Rumah Mbaru (Liturgi Memasuki Rumah baru); Acara memasuki rumah baru sering terjadi di tengah-tengah pelayanan, tetapi acara ini tidak ada di dalam Buku Ibadah GMI---padahal dalam pelayanan di tengah-tengah suku Karo ini adalah suatu acara yang cukup besar, dan ketika ditawarkan pada pengurus gereja maka para hamba Tuhan harus menciptakan suatu Liturgi yang baru. Untuk menolong para majelis di GMI yang berlatar belakang Suku Karo, maka kami berusaha menyusun suatu Liturgi yg bisa menolong para pelayan di tengah-tengah jemaat baik para Pendeta, Guru Injil, Lay Speaker ataupun para majelis. Acara ini bisa disesuaikan dengan daerah setempat. Syaloom dari kami DS Pdt. T.M. Karo-karo,STh,MA.
LITURGI KEBAKTIAN MENGKET RUMAH MBARU
Keluarga :…………
A. Acara I Kesain Rumah/ilebe-lebe Pintu Utama
1. Rende No: 150:1-2 “Meriah kel ukurta e”
· Meriah kel ukurta e, bas perpulungenta enda
Ertoto krina ras rende enden puji man Dibata
Melala pe kesusahen, ras mbue pe percunaan
Senang kepe penggejapen, adi sidahilah Tuhan
· Meriah kel ukurta e, teridah banNa surga e
Ertoto min janah rende man Bapa sini surga e
Endesken man Tuhanta e, ukur si picet gulut pe
PenahangNa tangkelenta, di sialoken kin Ia. Amin,-
2. Ertoto
3. Penyerahan Simada rumah man Pendeta:
(si mada rumah (SR) tedis petala-tala ras sialo-alon ras pendeta)
SR = Alu penampat Dibata, kami sekeluarga enggo ndungi sada rumah si mbaru ; emaka ijenda kami ngendesken man kam serayan Dibata gelahna ngeresmiken entah nalangi pintun rumah enda sebagai tanda mulaina i iani rumah enda. Alu erpengarapen maka rumah enda jadi kemuliaan gelar Dibata, janah kami pe kerina si ngiani rumah enda sehat-sehat ras tetap erpenalem man Dibata.
Pendeta = I jenda lit penungkunen ibas aku nari : Tek nge kam maka doni enda ras kerina isina janah rumah enda pe Dibata kap si empuna ?
SR = Tuhu bage ateku !
Pendeta = Erpadanlah kam man Dibata, maka ipakeken kam rumah enda nehken si ngena ateNa ?
SR = Tuhu bage ateku !
4. Pemotongen Pita oleh : Pendeta
5. Pengendesen Kunci ibas Tukang nari ku si mada Rumah---jenari si mada Rumah ngendeskenca ku Pendeta.
6. Nalangi Pintun Rumah
Pendeta = Alu kekelengen ras perkuah ate Dibata ; Aku..........(serayan Dibata) mukaken kunci rumah keluarga :...........ibas gelar Dibata Bapa, AnakNa Yesus Kristus, ras Kesah si Badia. Alu erpengarapen rumah enda ipakeken nehken si ngena ate Dibata. Amin.
{Kenca si e pendeta nalami kerina sukut si mada rumah ; Pendeta bengket perlebe emaka sukut si mada rumah janah iikuti sangkep nggeluh ras perpulungen. Jenari iaturken perkundul ibas rumah}
B. Acara Ibas Rumah
1. Votum : Penampat man banta rehna ibas Dibata Bapa, Anak ras Kesah si Badia; ipesusurNa lah min dameNa ndemi pusuh pratenta sekalak-sekalak. Amin,-
2. Pendilo : Adi rumah la bekas ipanteki Yahwe, sia-sia me kelatihen pandena mantekisa, adi kuta la ikawali Yahwe, sia-sia pengian kuta njagaisa. Amin,- (Mzm 127:1)
3. Rende : 175:1-2
· Tegu aku min Tuhan, bas dalinku kempak Kam
Di ras kam aku senang, kai kin pe lanai kurang
Ref : Tegu,tegu, tegu aku min Tuhan
· Kam me penundalen e, janah pengarapen e
4. Khotbah : Oleh DS Pdt. T.M. Karo-karo,
5. Rende No : 193 : 1-3/Janah mereken Persembahan
· Pake geluhku Tuhan bandu kupersembahken
Segedang geluhku e, kam kupuji lalap pe
Pake tanku min gelah kudahiken dahinNdu
Pake nahengku gelah jadi suruhenNdulah
· Jadikenlah sorangku, Rende muji rajangku
Pake babahku gelah kubriutaken gelarndu
Pake mas ras ertangku jadi sekerajangenNdu
Pake perukurenku ban erguna man bandu
· Bahanlah peratenku, sue sura-suraNdu
Banlah pusuh pratenku, Kam je ringan Tuhanku
Bahan kekelengenku sentudulah man bandu
Bahan geluhku Tuhan rasa lalap muji kam. Amin,-
6. Doa syafaat/Doa persembahen
7. Pertoton Tuhan : O Bapa kami si ni surga.....
8. Doxologi
Puji man Dibatanta e, Anak ras kesah si Badia pe...
9. Pemasu-masun :
Perkuah ate Tuhan Yesus Kristus, kekelengen Dibata Bapa ras kerembaken ras Kesah si Badia, ras kam krina gelah,- Amin,-
10. Rende : Amin 3 X
Tidak ada komentar:
Posting Komentar