Kebaktian Jemaat Agung

Kebaktian Jumat Agung

(Persembahan Untuk Dana Pensiun)

Jumat, 06 April 2012

1.      Marende    : No. 83 : 1 + 3, “Silang na badia i”

Silang na badia i, Ho do lombulombungki.

Maralohon dosa i, Dohot pandelean i.

Di sude sitaonon i, Ho ma lombulombungki.

Nasa na huula i, Ndang tau hasonanganki.

Nang ringkot pe rohangki, Pola ro nang ilungki.

Holan asi ni rohaM, Pangurupi O Tuhan. Amen.

2.      Votum       : Marhite-hite goar ni Debata Ama, dohot goar ni AnakNa Yesus

Kristus, dohot goar ni Tondi Parbadia, na tumompa langit dohot tano on dipasaorhon ma damena tu tondita be, amen.

3.      Tung ise ma nuaeng porsea di jamitanami? Jala tangan ni Jahowa, tung ise ma naung tumandasa? Ai simbur do ibana tubu songon tumbur di adopan ni bohina, jala songon tunas sian tano na mahiang. Ndang adong hinauli ni rupana manang hamuliaonna; ia huida hami ibana, ndang adong rupana umbahen sihalomohononhon ibana. Dileai jala dipasiding jolma do ibana, baoa na somal mangae pardangolan dohot sahit ibana, pola ditabunihon halak bohina maradophon ibana, dibahen leana, jadi ndang pola hurajumi hami ibana. Tongon do angka sahitta diusung ibana, jala angka pardangolanta diporsan; alai anggo rohanta mandok: Debata do maminsang, mamungkul dohot pasipal ibana. Hape ala ni pangalaosinta ibana tartullang, binahen ni hajahatonta ibana mabugang. Ampe tu ibana pinsangpinsang parhitean ni hasonanganta, jala binahen ni bugangna malum itahilala. Luhut do hita lilu songon birubiru, ganup masitondong dalanna be, alai hajahaton ni hita sudena dihonahon Jahowa tu ibana. Dipasipal pe ibana, sai manaonnaon do anggo ibana, ndang manang mangkuling pamanganna, songon birubiru do ibana na tinogu tu pamotongan, jala songon anak ni birubiru na hohom maradophon jolma sigusting ibana, tung na so dibungka do pamanganna. Amen. (Isa. 53 : 1 – 7)

4.      Marende    : No. 79 : 1 – 2, “Mabaor do mudarMi Tuhan”

Mabaor do mudarMi Tuhan, Di hau parsilang i.

Ai dipasahat Ho DiriM, Humophop Tondingki

Ala ni dosangki tahe, Tarsilang Ho Tuhan.

Bagas ni holongMi hape, Gok asi ni rohaM. Amen.

5.      Dung i dipasahat ma Ibana tu nasida, asa di parsilangkon; jadi dijalo nasida ma Jesus. Laos Ibana do mamorsan hau pinarsilang i, laho tu inganan na margoar partangkurahan; Golgata do goarna anggo di hata Heber. Laho manogihon Ibana, disoro nasida ma sahalak, si Simon sian Kinene do goarna, na ro sian ladangna; tu ibana ma dipaporsanhon hau pinarsilang i, paihutihut Jesus. Mangihuthon Ibana torop halak nang angka boruboru na mananangisi jala mangandungi Ibana. Jadi didompakkon Jesus ma nasida, ninna ma: Hamu, angka boru Jerusalem, unang ma Ahu tatangisi hamu, dirimuna dohot anakkonmuna ma! Ai na ro ma angka ari sogot, dohononna ma disi: Martua ma angka na hol, angka ina na so dung tubuan jala na so dung panarusan! Disi ma pungkaon ni halak mandok tu angka dolok: Tinggang i ma hami! Dohot tu angka tor: Hungkupi hami! Amen. (Yoh. 19 : 16 – 17; Luk. 23 : 26 – 30)

6.      Marende    : No. 83 : 1 + 3, “Silang na badia i”

Silang na badia i, Ho do lombulombungki.

Maralohon dosa i, Dohot pandelean i.

Di sude sitaonon i, Ho ma lombulombungki.

Nasa na huula i, Ndang tau hasonanganki.

Nang ringkot pe rohangki, Pola ro nang ilungki.

Holan asi ni rohaM, Pangurupi O Tuhan. Amen.

Alai ditogihon dope dua halak nari, parjahat, sipamateon rap dohot Ibana. Asa dung sahat nasida tu dolokdolok na margoar partangkurahan, diparsilangkon ma Ibana disi rap dohot angka parjahat i, na sada tu siamunna, na sada nari tu sihambirangna. Jadi didok Jesus ma: Ale Amang! Marpamuati ma roham mida nasida, ai ndang diboto nasida na binahennasida i. Laho marbagi ulosna, manjomput na sinurat ma nasida. Alai disurat si Latus ma sada boaboa, dipalohot ma i tu hau i. On do hatana: Jesus, halak Nasaret, raja ni Jahudi! Jadi torop ma Jahudi na manjaha boaboa i, ai jonok tu huta i do hapajalan ni Jesus, jala tarsurat do i di hata Heber, di hata Rom dohot di hata Junani. Dung i didok sintua ni angka Jahudi ma tu si Latus: Unang surat i: Raja ni Jahudi; alai na nidokna i ma nian: Ahu do raja ni Jahudi! Dung i dialusi si Latus ma: Na husurat i, naung sinurat do i! Amen. (Luk. 23 : 32 – 34; Yoh. 19 : 19 – 22)

7.      Marende    : No. 171 : 1 – 3, “Tu joloM O Debatangku”

Tu joloM O Debatangku! Sai use do rohangkon.

Sai pasiat tangiangku, Dohot ilu-ilungkon.

Husolsoli do rohangku, Na gok dosa i tongtong.

Ai godang ariaringku, Na hubahen ambolong.

Sai jotjot do hutadingkon, DalanMi na tigor i.

Kristen au hape hutondong, Dalan hamagoan i. Amen.

8.      Koor          : PWMI

9.      Asa dung diparsilangkon angka soldadu i Ibana, dibuat nasida ma angka abitna, diparopat ma i, di ganup soldadu sabagian be, dungkon ni sampesampena. Anggo sampesampe i ndang marpanjaruman, na ditonun sambing do i. Gabe masipandohan ma nasida: Unang ma taribahi on, martondung ma hita taringot tusi, manang di ise i. Jadi jumpang ma Surat i, na mandok: "Dibagi nasida do abithu; tondung do didabu taringot tu sampesampengku." Asa songon i do pambahen ni angka soldadu. Amen (Yoh. 19 : 23 – 24)

10.  Marende    : No. 197 : 1, “Holong Ni Rohangki”

Holong ni rohangki, Naeng ma lam gok.

Di Yesus Tuhanki, Raja na hot.

Nang tangiangku pe, Naeng ma tongtong ondop.

Asa lam gok holong tu Ho, Amen.

11.  Responsoria: Mazmur 22 : 1 – 20.

12.  Jadi diinsahi angka pamolus i ma Ibana, diupirhon be ma ulunasida huhut dipandok: Pe Ho, na mangalohai bagas joro i jala na pajongjongkonsa di bagasan tolu ari! Palua dirim jala mijur ma Ho sian hau na pinarsilang i! Alai na sada sian angka parjahat, na targantung i, mangaleai Ibana: Ai ndada Kristus i Ho? Palua ma dirim, nang hami antong! Alai dialusi donganna ibana, dipinsang ma, ninna ma: Ndang dihabiari ho hape Debata, atik pe rap hona uhum hita? Uhum na tigor do na tu hita, ai tajalo do upa ni pambahenanta; alai anggo Ibana, ndang adong diula na so ture. Laos ninna ma: O Jesus, ingot ahu, ia dung sahat Ho tu harajaonmi! Amen. (Mrk. 15 : 29 – 30; Luk. 23 : 39 – 42)

13.  Marende    : No. 159 : 1 – 2, “Tiop tanganku O Tuhan”

Tiop tanganku O Tuhan, Asi rohaM di au.

Molo so rap au dohot Ho, Tu dia na ma au?

O Tuhan pambahenanMi, Paposhon rohangki.

Hudai holong ni rohaMi, O Yesus Tuhanki, Amen.

14.  Epistel       : Ibrani 10 : 16 - 25... “Martua ma naumbege hata ni Debata

huhut mangulahon dibagason roha na ias, Amen.

15.  Marende    : No. 278 : 1 – 3, “Sai Solhot tu SilangMi”

Sai solhot tu silangMi, Yesus ingananku.

Mual na mabaor disi, Ima inumonku.

Reff: SilangMi Tuhanki, Ima pujionku.

Paima sogot sahat au, I endehononku.

Lao ma au tu silangMi, I haporusanku.

Sai asi ma rohaMi, Unang tulak ahu.

Reff: SilangMi Tuhanki, Ima pujionku...........

Domu ma tu silangMi, Ima tioponku.

Asa unang lilu au, Ho ihuthononku.

Reff: SilangMi Tuhanki, Ima pujionku........ Amen.

16.  Dung i jongjong ma di lambung ni Jesus na di hau pinarsilang i inana dohot paribanna dohot si Maria ni si Kleopas dohot si Maria Magdalena. Anggo Jesus, dung diida, disi inana i dohot sisean haholongan ni rohana di lambungna, didok ma tu inana i: Ndi ma, inang, anakmi! Dung i didok ma tu sisean i: Ndi ma, inangmi! Jadi olat ni i ma dijangkon sisean i ibana tu jabuna. Amen. (Yoh. 19 : 25 – 27)

17.  Marende    :

18.  Alai olat ni hos ni ari ro di pungkul tolu holom ma sandok tano i. Alai tar di pungkul tolu dipangiar Jesus ma soarana, dianggukhon ma: Ale Debatangku, Debatangku, boasa tung tadingkononmu Ahu (Eli, Eli, lama sabachtani)? Alai umbege i, ninna na deba sian angka na jongjong disi: Na manjou si Elia do I. Jadi dung diboto Jesus, naung marujung saluhutna, asa jumpang na tarsurat i, ninna ma: Mauas Ahu! Jadi adong ma disi isian ni tuak na asom, jadi dibutongi nasida ma limut tubagasan tuak na asom i, dipalohot ma i tu sada tolong, laho manurdukkon tu pamanganna. Dung i marsoara na gogo ma Jesus, ninna ma: Amang! Tu bagasan tanganmu ma hupasahat tondingku! Jadi dung didok i, tos ma hosana. (Mat. 27 : 45 – 47; Yoh. 19 : 28 – 29; Luk. 23 : 46)

19.  Tapaunduk ma dirinta, ganup hita nartangiang hohom di rohanta be (Mangkuling ma giring-giring 7 hali marholang-holang)

20.  Doa Syafaat          :

21.  Laos di na satongkin i maribak ma hirehire na di bagasjoro sian ginjang ro di toru. Dung i humuntal ma tano i, marigat ma dohot angka batu mamak. Mungkap ma angka tanoman, dung i hehe ma daging ni torop na badia angka na modom disi, gabe ruar ma nasida sian angka tanoman i; jadi dung hehe Jesus, ro do nasida tu huta na badia i, pataridahon nasida tu torop halak. Alai dung diida induk ni soldadu i rap dohot angka donganna, na jumaga Jesus, lalo i ro di angka na masa i, mabiar situtu ma nasida, ninna ma: Tutu do On Anak ni Debata! Jadi sude natorop i, na marluhut mainondur, masitompuk andorana, marnida na masa i, laos mulak ma. Amen. (Mat. 27 : 51 – 54; Luk. 23 : 48)

22.   

23.  Jamita        :

24.  Tangiang   : Ale Amanami

25.  Doxology  : Tapuji Debata

26.  Amen 3 x

Selamat Beribadah

Tuhan Memberkati Kita, Amen

Tak ada kasih yang lebih besar daripada kasih seorang yang memberikan nyawanya untuk sahabat-sahabatnya

Acara Malam Passion IV (Bhs Toba)

Acara Malam Passion IV : Rabu, 04 April 2012

1.      Marende    : No. 168 : 1 – 2, “Ho do Batu Mamak i”

Ho do batu mamak i, Parondingondinganki.

Mudar sian rusukMi, Sipaias rohangki.

Sian uhum dosa pe, Dipalua hami be.

Andung tangis ilu pe, Ndang sae dosa baenon ni.

Nang beha pe ringgashi, Patupahon nidokMi.

Holan mudarMi Tuhan, Tuk manesa dosangki, Amen.

2.      Votum       : Marhite-hite goar ni Debata Ama, dohot goar ni AnakNa Yesus

Kristus, dohot goar ni Tondi Parbadia, na tumompa langit dohot tano on dipasaorhon ma damena tu tondita be, amen.

3.      Joujou        : Sai tangi ma hasintongan, ale Jahowa, tangihon ma alualungkon!

Sai tarehon ma pinggolmu tu tangiangkon sian bibir na so marpangansi!  Amen. (Mzm. 17 : 1)

4.      Ai tusi do hamu tarjou, ai dohot do Kristus manaon na porsuk humongkop hamu, tumadingkon tiruan di hamu, asa diihuthon hamu bogas ni patna: "Ndang adong dosa diula Ibana; ndang jumpang angkal di bagasan pamanganna." Ndang manginsahi Ibana, di na hona insak, ndang mangasupi, di na manaon na porsuk; alai dipasahat do tu Panguhum sitigor roha i. Amen. (1 Petrus 2 : 21 – 23)

5.      Marende    : No. 79 : 1 – 2, “Mabaor do mudarMi Tuhan”

Mabaor do mudarMi Tuhan, Di hau parsilang i.

Ai dipasahat Ho DiriM, Humophop Tondingki

Ala ni dosangki tahe, Tarsilang Ho Tuhan.

Bagas ni holongMi hape, Gok asi ni rohaM. Amen.

6.      Asa dung ditangkup nasida Jesus, ditogihon ma Ibana tujolo ni sintua ni malim si Kayapas, ai nunga pungu disi angka sibotosurat ro di pangituai. Alai sai mangihut do si Petrus mandaodao sahat ro di alaman ni sintua ni malim i. Laos bongot ma ibana tubagasan, laho hundul tusi rap dohot angka naposo marnida ujungna. Alai anggo angka sintua ni malim ro di sandok rapot godang mangalului panindangion gapgap dompak Jesus, na tuk mambahen Ibana marutang hosa. Alai nang pe hehe torop sitindangi gapgap, ndang adong jumpangsa. Alai parpudi ro ma dua halak, ninna ma: Didok Halak on: Tarbahen Ahu do mangalohai joro ni Debata jala pajongjong i sumuang di bagasan tolu ari. Dung i hehe ma sintua ni malim i, mandok tu Ibana: Ndang alusanmu na hinatindangkonnasida dompak Ho? Alai sai hohom do anggo Jesus. Amen. (Mat. 26 : 57 – 63a).

7.      Tangiang   : Sian Ama

8.      Marende    : No. 83 : 1 + 3, “Silang na badia i”

Silang na badia i, Ho do lombulombungki.

Maralohon dosa i, Dohot pandelean i.

Di sude sitaonon i, Ho ma lombulombungki.

Nasa na huula i, Ndang tau hasonanganki.

Nang ringkot pe rohangki, Pola ro nang ilungki.

Holan asi ni rohaM, Pangurupi O Tuhan. Amen.

9.      Dung i dipanghulingi sintua ni malim i ma Ibana: Hupatolon ma Ho tu Debata Siparngolu i, asa dipaboa Ho tu hami, manang na tutu Ho Kristus, Anak ni Debata! Dung i didok Jesus ma tu ibana: Songon na nidokmi ma tutu! Alai hudok ma tu hamu: Olat ni on ma idaonmuna Anak ni jolma i, hundul di siamun ni Hagogoon jala ro di atas ombun ni langit. Gabe diribakkon sintua ni malim ma pangkeanna mandok: Na mangaleai Debata do Ibana! Pola luluan dope sitindangi? Nunga dibege hamu pangaleaina i! Beha do di rohamu? Dung i ninna nasida ma mangalusi: Marutang hosa ma Ibana! Jadi ditijuri nasida ma bohina, na deba manompuk, na deba mangalinsingi, huhut mandok: Surirangi hami, Kristus, ise do na mambunu Ho? (Mat. 26 : 63b – 68)

10.  Marende    : No. 171 : 1 – 3, “Tu joloM O Debatangku”

Tu joloM O Debatangku! Sai use do rohangkon.

Sai pasiat tangiangku, Dohot ilu-ilungkon.

Husolsoli do rohangku, Na gok dosa i tongtong.

Ai godang ariaringku, Na hubahen ambolong.

Sai jotjot do hutadingkon, DalanMi na tigor i.

Kristen au hape hutondong, Dalan hamagoan i. Amen.

11.  Tangiang   : Sian Ina

12.  Alai mandaodao ma si Petrus mangihuthon. Dipagalak nasida ma api di pogu ni alaman i jala rap hundul ma disi, gabe ro ma si Petrus juguk tu tongatonganasida. Dung i diida naposo boruboru sahalak ma ibana juguk mardonokkon api i, dinolnol ma ibana, ninna ma: Dongan ni Halak an do on, tahe! Alai disoadahon do Jesus, didok ma: Ndang hutanda Ibana, inang! Dung i satongkin nari, diida sahalak na asing ma ibana jala ninna ma: Sada sian nasida i do ho! Alai didok si Petrus ma: Ndang na tutu i, amang! Dung salpu hirahira sajom, diondolhon sahalak na asing muse, mandok: Tongon do, dohot do halak on donganna najolo, jala halak Galilea do i. Alai didok si Petrus ma: Ndang huboto na nidokmi, amang! Mandok i dope ibana, mamintor martatahuak ma manuk. Jadi humusor ma Tuhan i, dibereng ma si Petrus, gabe diingot si Petrus ma hata ni Tuhan i, i ma na nidokna i tu ibana: Andorang so martatahuak manuk i annon, nunga tolu hali Ahu soadahononmu! Jala ruar ma ibana, tumatangis gogogogo. Amen. (Luk. 22 : 54b – 62)

13.  Tangiang   : Sian P3MI

14.  Marende    : No. 197 : 1, “Holong Ni Rohangki”

Holong ni rohangki, Naeng ma lam gok.

Di Yesus Tuhanki, Raja na hot.

Nang tangiangku pe, Naeng ma tongtong ondop.

Asa lam gok holong tu Ho, Amen.

15.  Responsoria: Mazmur 116 : 1 – 4, 12 – 19.

16.  Jadi dung diida si Judas, parjehe i, na naeng hona uhum nama Ibana, disolsoli ma rohana, dipaulak ma na tolupulu rupia i tu angka sintua ni malim dohot tu sintua ni bangso i; ninna ma: Sala do ahu! Hujehehon do hape na so marpipot! Alai didok nasida ma: Ndang ro di hami i! Ho do na sari disi! Jadi ditimpalhon ma perak i tu bagasan joro i, laos sumurut sian i laho maningkot. Alai dibuat angka sintua ni malim ma hepeng i, ninna ma: Ndang jadi padomuon i tu arta ni joro, ai tuhor ni mudar do i! Jala mardos ni roha nasida manuhorhonsa tu ladang ni pande hudon, bahen parbandaan ni halak dagang. Ala ni i do umbahen na margoar i ladang mudar ro di sadari on. Amen. (Mat. 27 : 3 – 8)

17.  Tangiang   : Sian Parjabu

18.  Marende    : No. 159 : 1 – 2, “Tiop tanganku O Tuhan”

Tiop tanganku O Tuhan, Asi rohaM di au.

Molo so rap au dohot Ho, Tu dia na ma au?

O Tuhan pambahenanMi, Paposhon rohangki.

Hudai holong ni rohaMi, O Yesus Tuhanki, Amen.

19.  Epistel       : I Korintus 11 : 23 – 26... “Martua ma naumbege hata ni Debata

huhut mangulahon dibagason roha na ias, Amen.

20.  Marende    : No. 278 : 1 – 3, “Sai Solhot tu SilangMi”

Sai solhot tu silangMi, Yesus ingananku.

Mual na mabaor disi, Ima inumonku.

Reff: SilangMi Tuhanki, Ima pujionku.

Paima sogot sahat au, I endehononku.

Lao ma au tu silangMi, I haporusanku.

Sai asi ma rohaMi, Unang tulak ahu.

Reff: SilangMi Tuhanki, Ima pujionku...........

Domu ma tu silangMi, Ima tioponku.

Asa unang lilu au, Ho ihuthononku.

Reff: SilangMi Tuhanki, Ima pujionku........ Amen.

21.  Jamita        : Keluaran 12 : 1 – 4, 11 – 14 // Yohanes 13 : 1 – 20.

22.  Tangiang   : Ale Amanami

23.  Doxology  : Tapuji Debata

24.  Amen 3 x

Selamat Beribadah

Tuhan Memberkati Kita, Amen

Malam Passion III (bhs Toba)

Acara Malam Passion III : Rabu, 04 April 2012

1.      Marende    : No. 136 : 1 – 2, 5, “Marpungu do muse”

Marpungu do muse, Di joloMi Tuhan.

Mamuji hasangaponMi, Ala basabasaM.

Ala ni asiMi, Tarbahen hami do.

Sumombahon pujian i, Patar do di joloM.

Marende ma sude, Ala panghophopMi.

Ai haluaon i tahe, Paias tondingki, Amen.

2.      Votum       : Marhite-hite goar ni Debata Ama, dohot goar ni AnakNa Yesus

Kristus, dohot goar ni Tondi Parbadia, na tumompa langit dohot tano on dipasaorhon ma damena tu tondita be, amen.

3.      Joujou        : Ale Debata, sai asi ma roham di hami, jala pasupasu hami, sai

marsinondang ma bohim mandongani hita.  (Mzm. 67 : 2)

4.      Tagan jolma Ibana, dipelehon do angka pangidoanna dohot elehelekna, mardongan angguk bolon dohot iluilu tu na tuk paluahon Ibana sian hamatean; jadi ditangihon do Ibana, gabe malua sian hatahuton i. Ai atik pe Anak i Ibana, diguruhon do pangoloion marhite sian na tinaonanna i! Jala dung rimpas gabe sihorhon haluaon salelenglelengna do Ibana di sude na mangoloi Ibana.

(Heb. 5 : 7 – 9)

5.      Marende    : No. 179 : 1 – 2, “Na Basa do rohaM Tuhan”

Na basa do rohaM Tuhan, Napaluahon au.

Na lilu au ditopot Ho, Nuaeng malua au.

Pos roha dibagabagaM, Na hot jala togu.

Sai diramoti Ho do do au. Saleleng ngolungkon, Amen.

6.      Dung i sahat ma Jesus rap dohot nasida tu porlak sada na margoar Getsemane. Jadi didok ma tu angka sisean i: Hundul ma hamu jolo dison, saleleng disan Ahu martangiang. Dung i ditogihon ma si Petrus dohot anak ni si Sebedeus na dua i, dung i gabe marsak situtu ma Ibana jala bobonosan. Jala didok ma tu nasida: Mansai marsak situtu do rohangku, hira na mate do. Dison ma hamu, dungo rap dohot Ahu! Dung i laho ma Ibana saotik tujolo, dipatungkap ma bohina tu tano martangiang, ninna ma: Ale Amang, namun na tarbahen, salpuhon ma siinumon on sian Ahu! Alai tahe, unang marguru tu rohangku; roham do! Dung i mulak ma Ibana tu angka siseanna, jala tarpodom do nasida didapot, jadi didok ma tu si Petrus: Ndang margogo hamu hape dungo rap dohot Ahu nanggo sangombas? Dungo ma hamu jala martangiang, asa unang hamu bongot tu pangunjunan, ai na girgir do nian tondi i, alai gale do ia daging! Amen. (Mat. 26 : 36 – 41)

7.      Tangiang   : Sian Ama

8.      Dung i laho ma Ibana paduahalihon martangiang, ninna ma: Ale Amang, molo so tarbahen salpu on, nda ingkon huinum, sai saut ma lomo ni Roham! Dung i di na ro i Ibana, tarpodom muse ma nasida didapot, ai mansai dokdok do salibonnasida. Jadi di na ro Ibana patoluhalihon, didok ma tu nasida: Datdatanmuna dope modom dohot maradian! Sae ma i! Nunga dapot tingkina! Ida hamu, pasahatonna ma Anak ni jolma i tu tangan ni angka pardosa! Hehe ma hamu; laho ma hita! Ndi, nunga ro na pasahathon Ahu! Amen. (Mat. 26 : 42 – 43; Mrk. 14 : 41 – 42)

9.      Tangiang   : Sian Ina

10.  Marende    : No. 199 : 1 – 2, “ Yesus Sipangolu ahu”

Yesus Sipangolu ahu, Tangi Soarangkon.

Unang au Tuhan salpui, Uras ma au on.

Reff: Yesus, Yesus, Tangi soarangkon. Unang au Tuhan salpui, Tatap ma au on.

Ho do na marholong roha, Na pangolu au.

Tolong haporseaonku, Asa monang au.

Reff: Yesus, Yesus, Tangi soarangkon... Amen.

11.  Alai diboto si Judas siparjehe i do inganan i, ai jotjot do marpungu tusi Jesus dohot angka siseanna. Ia si Judas i, diarahon ma angka soldadu dohot angka naposo ni sintua ni malim, didapothon ma tusi, mantat sulusulu, palito dohot sinjata. Diboto Jesus do saluhut na naeng songgop tu Ibana, jadi ruar ma Ibana, didok ma tu nasida: Ise do na jinalahanmuna i? Gabe ninna nasida ma mangalusi Ibana: Jesus, halak Nasaret i do! Dung i ninna Jesus ma mandok nasida: Ahu do i! Alai dohot do si Judas siparjehe i jongjong di lambungnasida. Asa dung didok tu nasida: Ahu do i, sumurut ma nasida, angka martinggangan ma tu tano. Dung i diulahi ma manungkun nasida: Ise do na niluluanmuna? Jadi didok nasida ma: Jesus, halak Nasaret i do. Dung i ninna Jesus ma mangalusi: Nunga hupaboa tu hamu: Ahu do i. Asa molo Ahu dilului hamu, loas hamu ma laho angka on! Ai naeng do jumpang hata na nidokna i: Ndang adong na mago hubahen agia sada sian angka na nilehonmi tu Ahu. Alai nunga dipabotohon parjehe i hian partinandaan tu nasida, ai didok do: Ia i na huumma, Ibana ma i; i ma tangkup hamu! Asa pintor didapothon ma Jesus, didok ma: Tabi di Ho, Guru! Laos diumma. Alai ninna Jesus ma mandok ibana: Marhua ho tuson, anggia? Dung i ro ma nasida, dilaluhon ma tangannasida tu Jesus manangkup Ibana. Amen. (Yoh. 18 : 2 – 9; Mat. 26 : 48 – 50)

12.  Tangiang   : Sian P3MI

13.  Responsoria: Mazmur 70 : 1 - 6

14.  Dung i adong ma sada sian angka dongan ni Jesus mangalaluhon tanganna, disintak ma podangna, ditampulhon ma tu naposo ni sintua ni malim sahalak, dipisikkon ma pinggolna. Jadi didok Jesus ma tu ibana: Pasarung podangmi, ai na manintak podang, mago ma bahenon ni podang! Ai na so tarbahen Ahu do di roham mangido sian Damang, asa dipadiri di Ahu saonari lobi sian sampuludua loksa surusuruan? Alai songon dia ma disi saut hata ni Surat i na mandok: Ingkon masa do na songon i? Uju i ma didok Jesus tu angka natorop i: Hira na dompak panamun do hamu hehe, marpodang jala marlombutlombut manangkup Ahu. Ariari do Ahu nian hundul mangajari di bagas joro, so adong ditangkup hamu Ahu. Alai na masa do sudena on, asa jumpang hata ni angka panurirang i. Dung i ditadingkon saluhut sisean i ma Ibana laho maporus. Amen. (Mat. 26 : 51 – 56)

15.  Tangiang   : Sian Parjabu

16.  Marende    : No. 84 : 1 – 2, “Yesusku Naung Manobus Ahu”

Yesusku naung manobus ahu, Sai naeng haholonganku Ho.

Tu dolok Golgata Ho laho, Nionjarni holongMu do.

Reff: Hupuji nasa asiMi, Alai gumodang holongMi.

Tarsolosolbagi do rohangku, Paidaida dangolMi.

Marningot sasude dosangku, Ai i do na tinaonMi.

Reff: Hupuji nasa asiMi, Alai gumodang holongMi. Amen.

17.  Epistel       : Ibrani 12 : 1 – 3..... “Martua ma naumbege hata ni Debata

huhut mangulahon dibagason roha na ias, Amen.

18.  Marende    : No. 248 : 1 – 3, “Ro do au tu silangMi”

Ro do au tu silangMi, Au na pogos na gale.

Roha hajahaton i, Hubolongkon ma sude.

Reff: Dohot nasa rohangki, Sai huhirim O Tuhan.

Tuk do hagogoonMi, Pangoluhon au sonang.

Nunga leleng hulului, Hatuaon ni tondingki.

Au manesa dosamu, Ninna Yesus Tuhan i.

Reff: Dohot nasa rohangki, Sai huhirim O Tuhan.

Tuk do hagogoonMi, Pangoluhon au sonang.

Nasa arta na di au, Manang dia na arga.

Tondi nang pamatangki. Sahat ma tu Debata.

Reff: Dohot nasa rohangki, Sai huhirim O Tuhan.

Tuk do hagogoonMi, Pangoluhon au sonang. Amen.

19.  Jamita        : Yesaya 50 : 4 – 9a // Yohanes 13 : 21 – 32.

20.  Tangiang   : Ale Amanami

21.  Doxology  : Tapuji Debata

22.  Amen 3 x

Selamat Beribadah

Tuhan Memberkati Kita, Amen

Acara Malam Passion II (Bhs Toba)

Acara Malam Passion II Selasa, 03 April 2012

1.      Marende    : No. 167 : 1 – 2, “Na so talup do au Tuhan”

Na so talup do au Tuhan, Marsomba ro tu joloMi.

Aut unang asi ni rohaM, Na manungguli rohangki.

Na ro do au tu joloM, Lao pasahathon tondingkon.

Ala huboto mudarMi, Do na manesa dosangki, Amen.

2.      Votum       : Marhite-hite goar ni Debata Ama, dohot goar ni AnakNa Yesus

Kristus, dohot goar ni Tondi Parbadia, na tumompa langit dohot tano on dipasaorhon ma damena tu tondita be, amen.

3.      Joujou        : Martua ma halak, na so olo mangihuthon tahi ni angka parjahat, jala

na so olo jongjong tu dalan ni angka pardosa, jala na so olo sahundulan dohot angka pangarehei. Amen.  (Mzm. 1 : 1)

4.      Mandapothon pesta Paska i, nunga diboto Jesus, naung ro tingkina manadingkon portibi on, laho mandapothon Ama i; gabe songon pangkaholongina di angka na di Ibana na di portibi on, laos songon i do dihaholongi nasida ro di ujungna. (Yoh. 13 : 1)

5.      Marende    : No. 168 : 1 – 2, “Ho do Batu Mamak i”

Ho do batu mamak i, Parondingondinganki.

Mudar sian rusukMi, Sipaias rohangki.

Sian uhum dosa pe, Dipalua hami be.

Andung tangis ilu pe, Ndang sae dosa baenon ni.

Nang beha pe ringgashi, Patupahon nidokMi.

Holan mudarMi Tuhan, Tuk manesa dosangki, Amen.

6.      Alai di ari parhobasan parjolo ni pesta Paska i didapothon siseanna ma Jesus, angka ninna ma: Tudia ma patureonnami di Ho panganon Paska i, dipangido roham? Gabe didok ma: Laho ma hamu tu huta i, manopot si anu, dok hamu ma tu ibana: Tona ni Guru i: Na dapot ne ma tingkingku, di ho ma Ahu sorang, laho mangan Paska i rap dohot siseanku. Jadi disuru Ibana ma siseanna dua halak, didok ma tu nasida: Laho ma hamu tu huta i, pajumpang ma hamu disi dohot sada halak na mangusung aek sahudon; ibana ma ihuthon hamu! Jadi dok hamu ma tu nampuna jabu na binongotanna i: Tona ni Guru i tu ho: Didia do bilut inganan, asa disi hupangan hami Paska i rap dohot siseanki? Jadi patuduhononna ma tu hamu bilut parginjang sada, na lambas, na tipak hinembangan, disi ma pature hamu di hita! Borhat ma siseanna i, dibongoti ma huta i, jadi jumpang nasida ma tutu songon na nidokna i, gabe dipature ma Paska i. Amen. (Mat. 26 : 17 – 18; Mrk. 14 : 13 – 16)

7.      Tangiang   : Sian Ama

8.      Marende    : No. 80 : 1, “Sungkunonmu do tu au”

Sungkunonmu do tu au, Na palashon rohangki?

Dohot upa na tama, Nang goar na sangap i? Yesus na tarsilang i!

Ise manaluhon i, Musu na jumorbut i?

Siapuli rohangki, Sipamalum tondingki? Yesus na tarsilang i! Amen.

9.      Gabe hehe ma Ibana sian na mangan i, ditanggal ma ulosna, dibuat ma basahan, ditapolhon tu Ibana. Diusehon ma aek tu sambong, dung i diburi ma pat ni angka siseanna, diapusi ma dohot basahan na tinapolhonna i. Dung i sahat ma Ibana tu si Simon Petrus, jadi didok i ma mandok Ibana: Tung Ho ma, ale Tuhan, mamburi pathu? Dung i ninna Jesus ma mangalusi ibana: Ndang diantusi ho pambahenankon na tu ho anggo nuaeng; muse pe botoonmu i. Dung i didok si Petrus ma tu Ibana: Matua tano on ndang burionmu pathu! Dung i ninna Jesus ma mangalusi ibana: Molo so burionku ho, ndang partohap ho di Ahu! Dung i ninna si Simon Petrus ma: Ale Tuhan, unang ma holan pathu, dohot ma tangan dohot ulungku! Gabe didok Jesus ma tu ibana: Halak naung maridi i, ndengkon be burion, ai nunga sude ibana ias. Naung ias do anggo hamu, alai ndang luhut hamu. Ai ditanda do sipasahat Ibana, umbahen na didok: Ndang saluhut hamu ias! Asa dung diburi Jesus patnasida dipangke ma muse ulosna, hundul ma Ibana, didok ma tu nasida: Ai diantusi hamu do pambahenanki tu hamu? Digoar hamu do Ahu Guru jala Tuhan, jadi ture do pandokmuna disi; ai i do Ahu tutu. Asa molo Ahu, Tuhan jala Gurumuna, mamburi patmuna, tama ma nang hamu masiburian pat! Ai sitiruon do hulehon tu hamu, asa dibahen hamu songon naung hubahen i tu hamu! Na tutu situtu do na hudok on tu hamu: Ndang umbalga anak somang sian indukna, ndang sumurung suruan sian na marsuru ibana. Molo diboto hamu i, martua ma hamu mangulahonsa! Amen. (Yoh. 13 : 4 – 17)

10.  Tangiang   : Sian Ina

11.  Marende    :  No. 152 : 1, “Molo Naeng Sesa Dosami”

Molo naeng sesa dosami, Tu Tuhan i ho ro.

Molo mangkirim ho disi, Sai sesaonna do.

Holan Yesus, holan Yesus. Sibaen haluaon.

Tondimu nunga ditobus. Jalo hatuaon, Amen.

12.  Jadi di na mangan i nasida, ninna ma: Situtu do na hudok on di hamu: Sada sian hamu naeng pasahathon Ahu! Dung i marsak situtu ma rohanasida, gabe dipandok be ma tu Ibana: Nda tung ahu i, Tuhan? Alai ninna ma mangalusi: Ia i na rap dohot Ahu manurdukkon tanganna tu paringkauan, i do na pasahathon Ahu! Tong do nian ujung ni Anak ni jolma i, songon na tarsurat hian; alai marjea do halak na pasahathon Anak ni jolma i? Tagonan unang ma sanga tubu ibana tu hasiangan on! Alai adong ma sada sian angka siseanna i, na hundul jumonok tu Ibana, haholongan ni Jesus i. I ma dihilap si Petrus jadi ninna ma mandok ibana: Sungkun ma, ise i na nidokna i! Jadi dipadonok ma tu lambung ni Jesus mandok tu Ibana: Tuhan, ise i?  Gabe dialusi Jesus ma: Ia tusi hulehon na santapik na husornophon on, i ma ibana! Jadi disornophon ma santapik, dilehon ma tu si Judas Iskariot anak ni si Simon. Jadi dung dibondut i, dibongoti sibolis i ma ibana. Dung i didok Jesus ma tu ibana: Humatop ma ula siulaonmi! Asa dung dijalo si Judas na santapik i, pintor laho do ibana tu balian; alai borngin ma uju i! Amen. (Mat. 26 : 21 – 24; Yoh. 13 : 23 – 27, 30)

13.  Tangiang   : Sian P3MI

14.  Responsoria: Psalmen 17 : 1 – 14

15.  Marende    : No. 152 : 2, “Molo Naeng Sesa Dosami”

Durus mudar ni Yesusi, Lao pangoluhon ho.

Ai angka na porsea i, Pangoluonna do.

Holan Yesus, holan Yesus. Sibaen haluaon.

Tondimu nunga ditobus. Jalo hatuaon, Amen.

16.  Jadi di na mangan i nasida, dihindat Jesus ma roti, dipasupasu ma, diponggoli jala diparlehon ma tu angka siseanna, huhut ma didok: Jalo hamu ma, pangan hamu; Dagingku do on! Dung i dihindat ma panginuman, didok ma mauliate, dilehon ma tu nasida, huhut ma didok: Sude ma hamu manginum sian i! Ai Mudarhu do on, mudar parpadanan i, na niusehon humongkop torop, bahen hasesaan ni dosa. Alai hudok ma tu hamu: Na so tupa be inumonku olat ni on sian parbue ni hau anggur i sahat ro di ari sogot; disi ma inumonku na imbaru rap dohot hamu di harajaon ni Damang. Jadi dung diendehon nasida ende pujipujian i, ruar ma nasida laho tu dolok Jetun. Disi ma didok Jesus tu nasida: Saluhut do hamu naeng targasip mida Ahu di na saborngin on, ai na tarsurat do: "Lombutanku ma parmahan i, gabe marserak ma birubiru na sapunguan i." Alai dung hehe Ahu sian na mate, joloananku ma hamu tu Galilea. Alai ninna si Petrus ma mangalusi Ibana: Agia sude nasida targasip mida Ho, anggo ahu, na so tupa targasip. O Simon, Simon nunga dipangido sibolis i, naeng segeonna hamu songon dahanon. Alai Ahu do manangiangkon ho, unang mintop haporsaonmi. Jala dung mulak sogot roham, pargogoi ma roha ni angka hahaanggim! Alai ninna si Petrus ma mandok Ibana: Tuhan, na hobas do ahu mandongani Ho tu hurungan, nang tu hamatean pe! Alai ninna Ibana ma: Hudok ma tu ho, Petrus: Ndang martatahuak manuk saborngin on, so jolo tolu hali soadahononmu, na so tinandam Ahu. Amen. (Mat. 26 : 26 – 33; Luk. 22 : 31 – 34)

17.  Tangiang   : Sian Parjabu

18.  Marende    : No. 188 : 1, “Malungun Au Tuhan”

Malungun au Tuhan, Rap dohot Ho.

Ai hataMi na tau, Pasonang au.

Reff: Tama sai hudapothon, Ho ale Tuhanku.

Sai pasupasu ma au, Na ro tu au.

19.  Epistel       : I Kor. 1 : 18 – 31... “Martua ma naumbege hata ni Debata

huhut mangulahon dibagason roha na ias, Amen.

20.  Marende    : No. 199 : 1 – 3, “Yesus Sipangolu Ahu”  (Papungu Pelean)

Yesus Sipangolu ahu, Tangi Soarangkon.

Unang au Tuhan salpui, Uras ma au on.

Reff: Yesus, Yesus, Tangi soarangkon. Unang au Tuhan salpui, Tatap ma au on.

Ho do na marholong roha, Na pangolu au.

Tolong haporseaonku, Asa monang au. Reff: Yesus, Yesus, Tangi soarangkon...

Ho do Tuhan haposanku, Haporusanki.

Sai papir ma nang tondingku, Uras rohangki

Reff: Yesus, Yesus, Tangi soarangkon. Unang au Tuhan salpui, Tatap ma au on.

Amen.

21.  Jamita        : Yesaya 49 : 1 – 7 // Yohanes 12 : 1 – 11 

22.  Tangiang   : Ale Amanami

23.  Doxology  : Tapuji Debata

24.  Amen 3 x